話説石先生身邊有一個很愛讀書的朋友，情況就跟「仁顯王后的男人」入面個男主角一樣，係古代缺乏讀書機會，所以來到現代好想狂讀書，好想永遠係圖書館裡一樣。
讀書對他來講係一件好有意義的事，除了手上個個 Master，依家又讀緊另一個 Master，心中又準備讀另一個 Master。石先生真係好佩服他可以一直讀落去，因為石先生自已對讀書的興趣真的很有限，讀完 Degree 已經覺得好好彩，今時今日再叫石先生讀多個 Master 真係好難。
其實石生生都唔係無想過讀 Master。當年入左 Engadget 中文版一段時間，日日都係譯稿同寫文，時間真係幾多，無咩野做見個個朋友都話讀 Master，所以又跟大隊去報中文 New Media Master。或者中大都知石先生無心讀，只係跟大隊報名，所以最終中文都無收石先生，也從此打消左讀 Master 的念頭。
有趣嘅係，放棄左讀 Master 呢個想法後一年，公司剛好想請人，而石先生就係負責睇 Resume 嗰個。當中有幾個都係讀中大 New Media Master，真係世界要幾細有幾細。
最終呢幾個中大 New Media Master 有無請到？答案係：無。因為公司最後決定唔駛請多個人。
