石先生今日搭嘅國泰又 Delay 啦！點解 Delay 呢？官方當然無講啦！到底要 Delay 幾耐？會係無止境咁 Delay 定有時間睇呢？想知呢啲答案一定要靠【飛常準】。
【飛常準】呢個 App 係石先生出遊必備，佢嘅功能睇落好簡單，就係幫你記錄及儲存航班資料，等你一目了然。呢個功能好多 Apps 都做到，好似 都有介紹過嘅 TripCase 都有呢樣野，但【飛常準】厲害之處係佢背後嘅資料及 Big Data 做得好。
以石先生依家 Delay 緊嘅 CX156 為例，App 本身有一個前序航班嘅位置，按入去可以見到前序航班，即布理斯班呢邊同香港對開嘅係 CX157。如果 CX157 未到布里斯班，咁 CX156 都唔會起到飛。
往上一層去睇，香港飛布里斯班嘅 CX157 有無問題呢？一睇原來 CX157 都有 Delay，由本身嘅 1245hrs 延誤至 1709hrs (難怪下午已收到 SMS 話延誤)。
咁再往一層睇，CX157 嘅前序航班有無事呢？佢唧前序係大阪返香港嘅 CX567，無 Delay 之餘仲早到左，但降落左後唔可以即刻飛，係香港機場足足擺低左 5 個鐘，再係同一個 App 睇埋當時香港機場嘅升降繁忙度係正常，即係話隻機本身有啲問題了。
講左咁耐，石先生即係要等幾耐呢？前序 CX157 心預計遲左 4 個鐘左右起飛，預計要 0259hrs 先到布里斯班。假設隻機係途中加速追返 30mins，都要 0230 先到。
隻機落地落客落行李搞多 15-30mins，然後清潔、搞掂一切手續最快都要 45-60mins，即係起碼都要 0330-0400hrs 先有得登機，訓多轉都仲得。
【此文章刊載於石先生部落；標題：【推薦】旅行必備 Apps，Big Data 告訴你會否延誤 -「飛常準」；本篇文章為贊助內容；強制廣告：HisTrend.HK 給你不一樣的科技產品】
