作為一個家，洗衣機可以講係一件避無可避嘅家居產品。
大家成日都會用洗衣機，但到底點樣揀洗衣機又未必個個知，好多人都係屋企用開邊部買邊部，不過洗衣機都有份「日式洗衣機」及「歐洲洗衣機」，你又知唔知兩者嘅差別呢？
石先生早輪因為要換洗衣機嘅關係，曾經好努力咁去研究不同款式洗衣機嘅差別，所以今次就同大家分享下到底「日式洗衣機」及「歐洲洗衣機」嘅差別係咩，如果只係一個普通嘅家庭又可以點揀。
日式洗衣機用水勁
首先，我地要理解一下「日式洗衣機」及「歐洲洗衣機」普通係代表咩先！「日式洗衣機」主要係講緊採用沖水洗衣。洗衣機通過大量水沖刷及旋轉配合潔衣劑作清潔，係操作上並不涉及熱水，所以洗衣機內並沒有發熱線。以一部洗衣量達 7 公斤嘅日式洗衣機來講，佢每年耗電量較細，只係 26 kWh，但用水量就係 153 公升，以洗衫來講都叫幾大。
「日式洗衣機」採用沖水方式洗衣，對一些朋友來說也許不太足夠，認為其不乾淨，但實際採用下石先生仍為大部份的衣服都可以用「日式洗衣機」洗淨，只是若你是地盤工人或沾到油彩、䜴油等在衣服上的話，這些頑固污垢就只能先用手來清一下。
歐式洗衣機用電多
與「日式洗衣機」相反，「歐式洗衣機」因為採用熱水洗衫，洗衣時會先將水加熱再浸泡衣服等，所以係每年耗電量係 200 kWh，相比同為 7 公升洗衣量嘅「日式洗衣機」26 kWh 要大 10 位，而用水量方面則是 69 公升，約為「日式洗衣機」嘅一半。
一個用水量大，一個耗電多，你會揀邊個呢？以香港電費較水費貴嘅實際情況考慮，石先生個人會選擇「日式洗衣機」，因為能省的錢當然要省。
熱水與毛黴菌問題
「日式洗衣機」雖然較省錢，另一個問題是「日式洗衣機」會有毛黴菌的問題。如果大家記得的話，瑪麗醫院曾經有出現毛黴菌問題，當時的元凶就是洗衣水不夠熱，沒有達到 70 度，導致毛黴菌滋生，而日式洗衣機嘅內部因為長期都係冷水，所以問題會明顯，解決方法之一係不定時幫洗衣機用熱水洗番轉頭。
另一方面，使用日式洗衣機雖然可以省水，但因為沒有加熱，也可能會有毛黴菌問題，導致呼吸系統敏感等情況。若要解決就要把床鋪等放進「日式洗衣機」前先自行用熱水爐的熱水浸泡，然後再洗，減低毛黴菌滋生的可能性。聽到呢到，你大概明點解日本人咁鐘意戶外曬太陽去曬衫，而我地嘅上一輩也都鐘意陽光曬衫，因為呢啲問題係要熱力先解決到。
離心力與中軸問題
有啲朋友會在意洗衣時嘅噪音，而日式洗衣機因為係用轉動高速旋轉去洗衫，洗及檸乾，所以係轉動時嘅速度大多較歐式高，而轉動愈高產生嘅噪音相對愈大。雖然市面上依家嘅日式洗衣機已經靜左好多，但因為洗衣噪音你買部機返來時無得試，所以呢樣真係死症（調番轉都有好噪嘅歐式機，呢度講一般情況）。
另外，日式機因為直立式轉動與歐式嘅橫式滾動轉動唔同，係地心吸力影響下，日式機嘅離心力會勁啲（所以日式幾乎一定直立就係咁解），所以要買日式唔好買雜牌，否則中軸品質唔夠好，機箱就會有歪或不幸斷左嘅情況（呢個都係理論上，實際又係部部唔同）。
熱水洗衫快啲殘
講到日式洗衣機咁多問題，咁點解仲唔被市場淘汰？因為用歐式熱水洗衫又會產生另一個問題，就係熱水洗衫會令件衫受冷縮熱脹影響。
當你持續用熱水洗衫後，你會發現件衫好多時都會有左歪右高嘅情況，左右高低不同或者變長，也會較易甩色，呢啲情況都係受熱水洗衫所影響（用日式未試過出問題），所以你如果一件衫著好耐或者珍而重之嘅朋友，用熱水洗衫就係對衫嘅一個損害。
*部份「歐式洗衣機」都有得揀凍水洗衫
「日式洗衣機」及「歐式洗衣機」各有千秋，係多角度衡量後，石先生自已最後係選擇左「日式洗衣機」，貪其對衣服嘅損害無咁大，而床舖等就會先用熱水浸泡再放入洗衣機解決毛黴菌嘅問題。至於你會點揀呢？或者你都可以好好思考下呢個問題。
HisTrend.HK 限時褔利品：USB Type-C 轉接頭 HK$30 四枚http://www.histrend.hk/products/usb-type-c-adapter
既是暖蛋，又是電池！充電式電暖蛋登場！
冷鋒來臨！氣溫開始急降，除了保暖衣物外，怕凍的朋友也會買暖包、暖蛋來保暖，不過坊間的暖包只可以用一次，每次用完即棄，實在不環保。其實現下也有電子暖蛋，這款 Pisen 智能充電暖手寶，不單是暖手蛋，更是外置電池，一物兩用！
Pisen 智能充電暖手寶得到德國 Red Dot 2015 設計大獎，只要按一按機身的「Hot」，外殼金屬部分就會開始發熱，大約 2 分鐘時間，暖手寶就會升溫至大約 50 度，暖手又得、放入大衣內袋為身體保溫亦得。
內置智能感應，一旦發熱溫度超過 50 度，就會停止發熱，十分安全。而內置電池為 7500 mAh，可以發熱約 5 小時，足夠一般戶外使用。
而機身上備有一個 USB 插口，輸出電力為 2A，可為手機、平板電腦充電。Pisen 智能充電暖手寶有香檳金、白銀、粉紅、粉藍四色選擇，怕凍男女總能選到適合自己的顏色！
此產品提供 香檳金、白銀、粉紅及粉藍四種顏色，有興趣的朋友可以到 HisTrend.HK 選購。
