提起「巴拿馬文件」，大家一定係醒起好多外國政要涉及其中，大如英國、中國，細如香港各大富豪名門，人人有份，總有一個係左近。
無錯！「巴拿馬文件」講揭秘一定係富豪政要嘅隱藏活動與資產，但其實「巴拿馬文件」對富豪名門影響有限，大不了承認做錯，先補交稅款，再想辦法轉移利潤，例如近年合法又出名稅低的愛爾蘭。
對於一個普通人來說，「巴拿馬文件」好似毫無關係，但實際上影響之大可能慘過樓股大跌，因為「巴拿馬文件」影響嘅係真錢真交易真經濟活動，唔係一啲泡沫做出來嘅樓股炒賣。
睇番「巴拿馬文件」，每間公司去巴拿馬之前，總需要去一啲中轉地做下文件，做少少手續，而香港正正就係排名第一嘅轉口港。數量超越整個瑞士，也比英國及盧森堡為多，當中涉及多少資金很難一概而論，但你望望就知香港係呢件事上面有幾重要。
除非你額頭寫明「反中亂港」，否則香港地，人人都可以自出自入。人入到來，錢又入到來，貨就更加無問題。每間公司有心要去避稅天堂來香港走轉真係無錯，國際銀行有匯豐、渣打、DBS、花旗、美銀，講得出都有，但偏偏呢到稅率低，係到賺先計，而且監管又唔會好似歐美咁緊，做咩都輕鬆方便啲。
睇到呢到都唔明同自已有咩關係，那麼你應該不在財金體系內工作。
事情很簡單，當有這麼多涉及「巴拿馬文件」的公司在香港活動，其帶動的經濟便有很多，例如公司註冊、辦公室、文書、會計、核數、精算、法律、外派人員的住宿等等，每一個環節都牽涉到實體經濟。
當「巴拿馬文件」爆出來以後，到底近年印完銀紙都仲係莫財嘅美國會否加大壓力，要求香港政府做多啲監管，打擊公司利用香港轉口到避稅天堂，或者把香港放入相關的監測名單都會影響這類型公司是否會繼續選擇香港。
當利用避稅公司不再選擇香港轉口，上述的工種都會受到打擊，有關公司的業績變差，開始減薪裁員引發的連鎖效應並不會是一件小事。
【此文章刊載於石先生部落；標題：「巴拿馬文件」其實同你好近，中間人更易被受罰；本篇文章為贊助內容；強制廣告：HisTrend.HK 給你不一樣的科技產品】
【馬上就按讚！加入關注『石先生』Facebook！您的讚好是寫下去的動力！】
