看完上回的【『關公教材』確認過的 RSVP 也沒用！傳媒春茗前 30 分鐘説沒你的位置～】，大家應該都以為沒有下回，但到底為何該位記者會臨時沒位置呢？
根據匿名線人消息看來並不是沒位置，也不是與他乃零一記者身份有關，而是有一段長達七年的恩怨情愁。到底這個消息真實度有多高，也就請大家自行判斷了，下面分隔線後就是匿名線人的原文：
===========匿名者原文分隔線===========
某遊戲宣傳部搞的春茗臨時同某記者講無位叫佢唔好嚟，唔係因為真係無位，事實是當日有其他記者臨時仲收到invitation問去唔去，而在場記者也證實現場其實吉位處處。
咁點解忽然唔請，好簡單，因為那位記者之前曾「得罪」過該宣傳部阿頭，而所謂得罪其實只是一次受邀外訪結果出到嚟有關遊戲主機的報導篇幅那位阿頭覺得太小！你問咁嬲都好正常哎？係，但呢件事講緊最少都七八年前，而果位阿頭就一直嬲到而家。咁PR唔知呢位阿頭會將私怨擺落公事上，就梗係個個傳媒都請，陣間漏左又俾你鬧，結果直到當日果位阿頭睇 list上見到該記者名字，就勒令呢個人唔可以嚟，結果逼PR講一個極蠢嘅大話，導致現在醜事傳千里。
呢個世界小器嘅人彼彼皆是，但一個小器嘅人適唔適合做宣傳部呢？就好似問你而家特首適唔適合做特首咁，無話唔得嘅，但會惹公憤囉。
小器都唔係最大問題，而我更確信佢係從心裡睇唔起寫gadget寫遊戲嘅記者。佢覺得到我有嘢出嘅時候你地咪又係要介紹，唔通個個寫你唔寫呀？
唔單止記者，佢甚至睇唔起人。
大家都知道呢類事件已經唔係第一次，之前MasterMic被要求做住掌上壓rap ，呢件事唔單止係唔尊重表演者，根本係連rap呢個表演藝術都睇唔起（但又要搵），因為佢覺得就咁rap唔夠好睇，所以就想出「rap X 掌上壓就夠爆喇」呢個大道理。結果MasterMic點評論，不用再贅。
就算我講左成件事出黎，同行們like like like都無補於事的，個世界唔會因為寫左篇嘢就會改變，個阿頭依然自我感覺良好地繼續埋首工作，話唔定總部仲會同佢講句「good job~」就好似我地無辦法換一個做得極差嘅特首一樣，好多嘢唔到我地控制。
我只是覺得，你既然睇唔起記者，從心裡認為PR手段是不必要的，咁仲搞乜春春茗呢？呢個已經超越偽善，而係你作為一個人決定以甚麼方式去思考怎去做人的問題。
===========匿名者原文分隔線===========
對於這樣的情況，大家有什麼看法呢？
香港記者一直以來都很公道，有新聞價值就報，沒有就不報，但有時候有些事情還是要好好的思考一下。如果人家有心對你不好，你又為什麼要對人家好呢？以德報怨有時候並不適用。
當然，報導事實是記者的職責，只是在網路爆炸時代，你不寫還是會有別人來寫，有些事情其實不差你那一篇，所以有時候要不要寫，真的自已思考一下。
畢竟不管你寫好的還是不好，對方還是會獲得曝光，情況就像黃安事件一樣，台灣媒體聯合封鎖他的消息有時候就是一件很好的解決方法。當然，什麼事情才需要這樣做就有值得討論的空間了。
《Xbox 關公》第一回：
http://stoneip.info/?p=91471
《Xbox 關公》第二回：
http://stoneip.info/?p=91481
《Xbox 關公》第三回：
http://stoneip.info/?p=91505
附加推薦閱讀：
每個表情都是關鍵 「公關」代表的不只是你自己
【此文章刊載於石先生部落；標題：《Xbox 關公》第二回：RSVP 後沒位置只是藉口，真相原來是…；強制廣告：HisTrend.HK 給你不一樣的科技產品】
